MultiChoice Tanzania kufadhili washindi wa ‘Harusi ya Ndoto Yako’

0
170

Dar es Salaam; Jumatano 14 Februari 2018; Wakazi wawili wa jiji la Dar es Salaam ambao ni wachumba Solomon Mwaigwisa na Magreth Richard wameibuka washindi wa shindano la Harusi ya Ndoto Yako lililokuwa likiendeshwa na chaneli ya Maisha Magic Bongo Dstv chaneli 160.

Wapenzi hao wameshinda zawadi ya ufadhili wa harusi yao ya kifahari itakayofanyika jijini Dar Es Salaam mwishoni mwa mwezi April mwaka huu. Pamoja na kushinda Harusi ya Ndoto Yao, wawili hawa pia watapewa zawadi ya fungate kwa hisani ya hoteli ya kitalii ya Voyager Beach iliyopo jijini Mombasa nchini Kenya.

Washindi hao walitangazwa jana katika kilele cha siku ya wapendanao katika hafla iliyofanyika makao makuu ya MultiChoice Tanzania jijini Dar es Salaam na kuhudhuriwa na washindi hao.

Akizungumza katika hafla hiyo, Mkurugenzi Mtendaji wa MultiChoice Tanzania Maharage Chande amesema channel ya Maisha Magic Bongo imeamua kuwatunuku watazamaji wake zawadi hiyo kupitia kipindi chake maarufu cha Harusi Yetu kinachorushwa na channel hiyo ambacho huonyesha harusi mbalimbali

Mkurugenzi Mtendaji wa MultiChoice Tanzania Maharage Chande akizungumza katika tukio hilo mapema leo Februari 14,2018, Jijini Dar es Salaam

Kipindi cha Harusi Yetu kilianza kuruka mnamo Novemba 2016 ambapo msimu wa pili wa kipindi hicho ulianza mwezi Julai mwaka 2017. Kipindi hicho hurusha harusi mbamlimbali huku kikiangazia walikotoka wanandoa, hatua wanazopitia katika mahusiano yao na hatimaye tukio la kufunga ndoa.

Kuanzia ilipoanza awamu ya pili Maisha Magic Bongo ilianzisha shindano maalum lililojulikana kama Harusi ya Ndoto Yako ambapo washiriki walikuwa wakijibu kuhusiana na kipindi cha harusi yetu ambapo kila wiki kulikuwa na swali moja. Hadi kufikia mwisho wa shindano mnamo mwezi Desemba mwaka jana jumla ya washiriki 1,112 walishiriki ambapo 448 waliingia kwenye mchujo wa wawali na hatimaye kubakia wanne ambao waliitwa kwenye usaili maalum uliokuwa na jopo la watahini saba.

Wchumba Solomon Mwaigwisa na Magreth Richard walioibuka washindi wa shindano la Harusi ya Ndoto Yako lililokuwa likiendeshwa na chaneli ya Maisha Magic Bongo Dstv chaneli 160.

Baada ya usaili huu, Solomon mkazi wa Dar es Salaam pamoja na mchumba wake Magreth waliibuka washindi na hivyo kupata zawadi ya kugharimiwa harusi yao itakayofanyika jijini Dar es Salaam mnamo tarehe 28 mwezi April mwaka huu.

Akifafanua kuhusu zawadi hiyo, Maharage alisema zawadi hiyo inamaanisha maharusi hao watarajiwa watagharimiwa kila kitu kuanzia ukumbi, mavazi, chakula, vinywaji, burudani, pamoja na fungate la kukata na shoka katika moja ya hoteli za kitalii Voyager Beach Hotel katika ufukwe wa Mombasa nchini Kenya.

Wakizungumza katika hafla hiyo, Solomon pamoja na mchumba wake Magreth wamesema wamefurahi sana kushinda na kutuzwa ufadhili wa harusi yao. “Sote tunafahamu ni jinsi gani zoezi la harusi linavyokuwa na patashika hususan kwenye suala la gharama. Hivyo nafurahi sana na ninamshukuru Mungu kwa kutuwezesha kushinda katika shindano la Harusi ya Ndoto Yangu kwani sasa sisi kazi yetu ni kufikiria tu jinsi tutakavyoendesha maisha yetu kwani suala la harusi limekamilika” alisema Solomon, Bwana Harusi mtarajiwa.

Solomon Mwaigwisa akizungumza wakati wa tukio hilo kwa namna walivyoweza kukutana na Magreth Richard mpaka kuwa wachumba na namna walivyoibuka kuwa washindi wa shindano la Harusi ya Ndoto Yako lililokuwa likiendeshwa na chaneli ya Maisha Magic Bongo Dstv chaneli 160.

 

Ameipongeza Chaneli ya Maisha Magic Bongo kwa kubuni shindano hilo ambalo lilileta msisimko mkubwa na kwamba anaamini kuwa channel hiyo itaendelea kuimarika kwani kwa sasa imekuwa maarufu sana kwa kuwa ni chaneli inayowafanya watanzania wajivunie vipaji vyao.

DStv kupitia chaneli yake mahsusi ya maudhui ya Kitanzania ya Maisha Magic Bongo imekuwa mstari wa mbele katika kuhakikisha kuwa tasnia ya Sanaa inakua na kuifanya iwe moja ya vyanzo muhimu vya mapato kwa wasanii na hatimaye kuchangia katika uchumi wa nchi yetu.

Chanel ya Maisha Magic Bongo ilianzishwa tarehe 1 Octoba 2015, kwa lengo kuu la kuinua na kukuza vipaji na Sanaa hapa Tanzania na pia kuongeza maudhui ya kitanzania kwa wateja wa DStv. Kwa kipindi chote hiki Chaneli hii imekua kwa haraka sana ambapo kwa sasa ni miongoni mwa Chaneli zenye watazamaji wengi zaidi katika ukanda wa Afrika Mashariki. Chaneli hii imekuwa kitovu cha maendeleo ya wasanii hapa nchini huku mamia ya wasanii wakipata fursa mbalimbali kutokana na kazi zao kurushwa katika channel hii na pia kupata mafunzo na kipato kupitia Sanaa.

Magreth Richard akizungumza namna alivyokutana na Solomon Mwaigwisa na kuwa wachumba  na kuibuka washindi wa shindano la Harusi ya Ndoto Yako lililokuwa likiendeshwa na chaneli ya Maisha Magic Bongo Dstv chaneli 160.

 

Kwa upande wa tasnia ya filamu na uigizaji, Maisha Magic Bongo imeleta mapinduzi makubwa na miongoni mwa filamu zinazotikisa katika soko kwa sasa ni pamoja na Tamthila ya HUBA,ambayo ilipokelewa vizuri sana na Watanzania, pia kuna filamu na vipindi vingine kama SARAFU, KAPUNI, MWANTUMU, HARUSI YETU, KITIMTIM pamoja na tamthilia mpya zilizoanza kuonyeshwa hivi karibuni za SARAFU na KAPUNI ambazo zote zinazidi kuwa maarufu kila uchao.

Meneja Masoko wa MultiChoice Tanzania Bwana. Halfa Mria akizungumza katika tukio hilo 

Baadhi ya Wanahabari wakiufuatilia tukio hilo

Mwandaaji wa Harusi hiyo ‘Wedding Planner’ Bi. Asia akizungumza machache namna alivyojiandaa kuwaandalia Harusi washindi hao

Mkurugenzi Mtendaji wa MultiChoice Tanzania Maharage Chande akizungumza katika tukio hilo mapema leo Februari 14,2018, Jijini Dar es Salaam

Mkurugenzi Mtendaji wa MultiChoice Tanzania Maharage Chande akiwa katika picha ya pamoja na washindi hao katika tukio hilo mapema leo Februari 14,2018, Jijini Dar es Salaam

 

Magreth Richard akiwa katika pozi wakati wa tukio hilo

Afisa Masoko wa MultiChoice Tanzania, Shumbana Walwa akizungumza katika tukio hilo namna shindano lilivyoendeshwa

Wchumba Solomon Mwaigwisa na Magreth Richard wakichezesha bahati nasibu kwa wanahabari waliofika ambapo walitoa zawadi za DST Dekoda kwa washindi.

 

Wchumba Solomon Mwaigwisa na Magreth Richard wakimkabidhi Mwandishi wa Habari wa TBC1, aliyeshinda king’amuzi cha DSTV

Wchumba Solomon Mwaigwisa na Magreth Richard wakipata picha ya pamoja na washindi wawili wa ving’amuzi vya DSTV walivyoshinda, ambapo washindi hao ni wanahabari kutoka Magazeti ya Citizen na Mwananchi ya hapa Tanzania.

PICHA ZOTE NA ANDREW CHALE-BONGONEWS

LEAVE A REPLY

Please enter your comment!
Please enter your name here