Mpango wa Malipo kwa Ufanisi waleta Mabadiliko Sekta ya Afya Rufiji

0
113

Utekelezaji wa mpango wa malipo kwa ufanisi(RBF) Wilayani Rufiji umeleta mabadiliko makubwa katika Vituo vya afya na Zahanati kwa uboreshaji wa miundombinu pamoja na upatikanaji wa dawa muhimu.

Hayo yamesemwa jana Desemba 15,2017 na Waziri wa Afy, Maendeleo ya Jamii, Jinsia, Wazee na Watoto Mh. Ummy Mwalimu  wakati alipotembelea Kituo cha Afya cha Ikwiriri na Zahanati ya Nyamwage katika ziara yake ya kuangalia utekelezaji unaofanyika kupitia mpango wa malipo kwa ufanisi unaotekelezwa katika mikoa nane nchini.

Waziri Ummy alisema mabadiliko hayo katika sekta ya afya yamefanyika katika maeneo ya utoaji huduma, Uongozi na Utawala, Rasiliamaliwatu, Mifumo ya usimamizibwa utoaji taarifa za afya, madawa na teknilojia ya afya ambapo mfumo huo umesaidia maboresho, uwajibikaji,ufanisi na usawa kwani dhana hiyo inamfanya mtoa huduma kulipwa kulingana na matokeo ya kazi yake ambayo amehakikiwa na hivyo kucanya vituo hivyo kuweza kuongeza hali ya upatikanaji wa dawa na kuboresha miundombinu ya vituo hivyo

“Tumeanza mpango huu katika mikoa 8,tumefanya tathimini kwenye vituo vya afya na zahanati zote za Mkoa wa Pwani ikiwemo Wilaya ya Rufiji,tukagundua vituo vya afya na zahanati hazikuwa na viwango vya ubora unaogakiwa tukaona tuwapatie  shilingi milioni 10 kila kituo vilivyokidhi kwa ajili ya kuboresha miundombinu”alisema Waziri ummy.

Hata hivvyo aliipongeza kamati ya afya ya kijiji cha Nyamwage kwa kutumia ipasavyo shilingi milioni 10 kwa kuongeza urefu wa paa na kupaua, kuweka malumaru na kuongeza matundu ya choo pamoja na tundu moja la choo kwa ajili ya walemavu,  

“Nikupongeze mganga mfawidhi kwa kuboresha zahanati hii kwakweli unapaswa kupongezwa kwani umefanya vizuri ila badilika lugha chafu kwa wananchi haitakiwi, nakupa mwezi mmoja ila kwa upande huu mwingine umenifurahisa, mnyonge mnyongeni ila haki yake mpeni”

Aidha ,alitoa wito kwa wanawake  kuhudhuria kliniki pale wanapohisi kuwa wajawazito na hasa mahudhurio yote manne ili kuweza kujua hali zao kiafya na kuweza kupata matibabu pale wanapogundulika na matatizo na kujifungua salama

“hatutaki kuona mwanamke mjamzito anafariki wakati wa kujifungua, ndiyo maana serikali ya awamu ya tano imeboresha huduma za afya na tumeanza ujenzi wa vyumba vya upasuaji wa dharura kwa mwanamke atakayepata uzazi pingamizi,kujifungua salama ni haki ya kila mwanamke mjamzito

Akisoma taarifa ya  Wilaya,Mkuu wa Wilaya ya Rufiji  Mhe.Juma Njwayo alisema mpango wa malipo kwa ufanisi umeongeza idadi ya akina mama wanaojifungulia kwenye zahanati na kutoka 3,382 mwaka 2016 hadi kufikia 4,086 mwaka 2017 na wanawake wanaohudhuria mahudhurio  manne kliniki wamefikia 3,955 mwaka 2017 kutoka 1,906 mwaka 2016.

“Hali ya upatikanaji dawa muhimu hivi sasa ni asilimia 91 na dawa zingine ni zaidi ya asilimia 50 na hii inachangiwa na mpango huu”alisema Mhe. Njwayo.

Malipo kwa ufanisi (RBF) wilayani Rufiji ulianza kutekelezwa mwaka 2016 kwa kupatiwa shilingi milikni 240 kutoka wizara ya afya na kila kituo cha afya ama zahanati kilipatiwa shilingi milioni 10 kwa ajili ya kuboresha miundombinu na inatekelezwa kwenye vituo kumi na mbili ambavyo vilikidhi vigezo vya mpango huo.

Waziri wa Afy, Maendeleo ya Jamii, Jinsia, Wazee na Watoto Mh. Ummy Mwalimu akisisitiza jambo pamoja na bango alilolishika baada ya kupokea kutoka kwa Wananchi

Waziri wa Afy, Maendeleo ya Jamii, Jinsia, Wazee na Watoto Mh. Ummy Mwalimu akitoa vitambulisho kwa Wazee wa Rufiji

Baadhi ya Wazee wa Rufiji wakiwa pamoja na kadi zao za matibabu wakiwa katika picha ya pamoja na Waziri wa Afy, Maendeleo ya Jamii, Jinsia, Wazee na Watoto Mh. Ummy Mwalimu

Waziri wa Afy, Maendeleo ya Jamii, Jinsia, Wazee na Watoto Mh. Ummy Mwalimu akikagua moja ya vyoo vilivyokarabatiwa kutokana na mradi huo

Moja ya jengo lililojengwa na kukarabatiwa na mradi huo kwenye Zahanati ya Nyamwage

Baadhi ya wananchi wakiuliza maswali kwa waziri Ummy Mwalimu (Hayupo pichani)

Baadhi ya wananchi wakiuliza maswali kwa waziri Ummy Mwalimu (Hayupo pichani)

Waziri Ummy Mwalimu akizungumza na wananchi wa Rufiji

Waziri Ummy Mwalimu akizungumza na wananchi wa Rufiji (Hawapo pichani). 

PICHA ZOTE NA ANDREW CHALE

 

LEAVE A REPLY

Please enter your comment!
Please enter your name here